കാർമ്മൽ കോളേജിന് ഇത് അഭിമാന നിമിഷം .  ഐപിഎൽ ക്രിക്കറ്റ് ടീമിലേക്ക് ഡൽഹി ക്യാപിറ്റൽസ് കേരളത്തിൽ നിന്നും തെരഞ്ഞെടുക്കപ്പെട്ട ആദ്യ താരമായി  വയനാട്ടുകാരി മിന്നു മണി.  കാർമൽ കോളേജിൽ ഒന്നാംവർഷ ബിവോക് മൾട്ടിമീഡിയ വിദ്യാർത്ഥിനിയായ മിന്നു മണി ഇന്ത്യൻ വനിതാ ക്രിക്കറ്റിലെ സജീവ സാന്നിധ്യമാണ്.   വിദേശ താരങ്ങളടക്കമുള്ള വനിതാ ക്രിക്കറ്റർമാരുടെ പട്ടികയിൽ നിന്നും  30 ലക്ഷം രൂപയ്ക്കാണ് ഡൽഹി കാപ്പിറ്റൽസ് മിന്നു മണിയെ സ്വന്തമാക്കിയത്. വയനാട് സി.കെ.മണിയുടേയും വസന്തയുടേയും മകളായ മിന്നു എളിയ ജീവിത പശ്ചാത്തലത്തിൽ നിന്നും വന്ന് കഠിനാധ്വാനത്തിലൂടെയാണ് ഉയരങ്ങളിലേക്ക് എത്തിച്ചേർന്നത്. ചരിത്രത്തി ലാദ്യമായി കേരളം അണ്ടർ 23 ചാമ്പ്യന്മാർ ആയപ്പോൾ ടൂർണമെന്റിലെ ടോപ്സ്കോറർ ആയിരുന്നു മിന്നു മണി. 2014 15ൽ തുടങ്ങിയ തൻറെ വിജയഗാഥയിൽ ഐപിഎൽ എന്ന സ്വപ്നസാക്ഷാത്കാരത്തിന്റെ പൊൻതൂവൽ കൂടി ചേർത്ത മിന്നുമണിയുടെ പ്രകടനങ്ങൾക്കായി കേരളം ആകാംക്ഷയോടെ കാത്തിരിക്കുന്നു.